«Археология» немесе «Алтын ханшайым» зал экспозициясында БҚО тарихының өте ерте кезеңдегі деректері туралы мәлімет беретін Қырық оба, Лебедевка қорымдарынан табылған археологиялық жәдігерлер ұсынылып отыр. Соның ішінде еліміздің тарихында үлкен жаңалық болған 2012 жылы Долинное елді - мекенінен табылған Алтын ханшайым, Тақсай құндылықтары савромат-сармат кезеңіндегі тарихи үрдістерді тереңірек ұғынуға мүмкіндік береді.